حــالــة غــســغــز !!

ما بقلوبكم رحمه !!؟

ماكو مرووّه !!؟

نخووه ماااكو !!؟

غــســـغــــس ,, أأأخ منك يالــغــســغـــز !

ماكو ولا واحد , وااحد بس عنده حب المساعده وفيييه خير !!

وحوش و قساة !! إهم اللي مروا علي بسياراتهم اليوم وكأنهم مايشوفوني ومطنشين !!

ليييييييييييييش يا يبى لييييييييييش !!؟ 

أفااا عليكم بـــس

((:

الجمل السابقه ,, موجهه إلى كل اللي شافوني وأنا أدز سيارتي الخربانه أمس الصبح واللي تعطلت فجأه بنص شارع جمال عبدالناصر ( شارع الدوارات ) !! , وإضطريت أني أدزها بروحي لمسافه مو بسيطه خصوصا وأنها تعطلت فيني وانا واقف في أقصى الحاره اليسرى ! وعانيت الأمرين ليمن وصلتها للحاره اليمنى ! بس علشان لا يدعموني أنا وسيارتي !!

تووني بدخل الدوار اللي عند مخرج الجامعه ! وفجأه أسمع صووت تشييييي خووووو - جاان يطفي المكيف وإثقلت السياره !!...

شسالفه !؟

شفيييه !؟

أدق سلف , أدووس بانزين و أدق سلف مره ثانيه !! مااااكو ! , وأصحاب السيارات ( الظَـلـَمـَـهَ)  أزعجوني بالهرنات دييييييد وديييييييييد !! صج ما يستحون ! 

فــا قلت ياولد أنزل و دز سيارتك و إبعدها عن الشارع شوووي ! و أدز و أدز وأدز و وراي ساتوون سيارات (طابور ) وكلهم يدقون (هرن) !

ماكو ولا واحد فيهم , شافني أدز سيارتي برووحي ونزل وساعدني وقام يدز معااي !! ولاااا واااحد !!

إصفرييت و إحمريييت و إكفهريييت بعد ,, وصرت مكفهر ! (:

ولاااااا واحد مــد يد العون و المساعده ودز سيارتي معااي !؟ لاااا والمصيبه أنها من نوع ( جيب ) بــعــد !! ):

المهم : جاان أعض الغتره بـ حلجي وأنزل من السياره وأدزها ليييمن وصلتها لــ بر الأمان ! ويوم وصلتها  لـ موقف الباصات و وقفت ,, نزعت الغتره على السريع و ولعت سييييجاره ..!! لاشعوورياً ((:

شووي جااان أدقها سلف !! وووو فجأه جاان  تشتغل !!!! قــلــت والله لــلــعــ؟؟ آآبوو أأأبوو زييين يـــااا؟؟  ويـــااا؟؟

هني .. وصلت لقمة الإكفهرار ((:

وأيقنت بما لا يدع مجااال للشك .. بأن السياره حاشتها متلازمة غــســغــز

زين , تووّج تشتغلين تووّج ,, يااا بنت الأ؟؟؟ ... الحيييين عقب ماهديّـتي حيلي و أنا أدز فيييج لما صار فيني شد عضلي بالعضد الايسر و بالأنكل !! ويووم وقفتج.. إشتغلتي !

((:

بــــصـــراحـــــه ,, وقتها إستغربت من الناس اللي يمروني بسيارتهم وكأنهم ما يشوفوني !! لاااا وبعضهم وأنا قاعد أدز السياره يطالع ويدق لي هرن !! زييييييييين ياااا؟؟؟ ... شنووو أهبل أنت ,, واااحد سيارته عطلانه بنص الشارع وقاعد يدزها بروحه ,, إدقله هرن شحقه!؟

بس التساؤل الذي مازال يدوور في خــُلــدي << حلووه خلدي (((:

التساؤل و الاستغراب ,,  إهو أني في مجتمع عربي مسلم و بين مسلمين ( بالغالب ) ويقيمون بينهم الكثير من المحاضرات والندوات الدينيه اللي تتكلم عن حب الخير وعن تلبية المسلم لنداء المساعده دائما وأن المسلم للمسلم كالــ المادري شنوو المرصووصه !! وأيضاً وبالرغم من وجودي بين عرب والعرب كما هو معروف عنهم يحبون الخير والمساعده وعندهم النخووه العربيه المعروفه عنهم والمرووّه مع انه هالاشياء ما شفتها اليوم !!

محد فيكم يا بشرررر .. قاام وفــعّــل تعاليم الإسلام معاي بهالموقف ! واللي أذيتونا بكثر ترديدها بأن المسلم أخو المسلم و بأنكم جـُبــلتم على فعل الخير والمعروف  للآخرين وبأن هالصفات موجوده عندكم بالفطره !!

مع أني عارف ومتأكد تماماً بأن هذا البلد والمجتمع الذي فيه ,, نشأ وترعرع بل وغرست في أبناءه الطيبه والتسامح منذ الصغر كما ان أفراده تربوا على النخوه والمروّه و تقديم المساعده للآخرين , بــس اليووم مادري شفيهم ,, على حظي اليوم حاشتهم حالة (( غــســغــز ))!!..

مااااشي ماااشي ,, الأيام بيننا أيها الناس ,, أيها البشر ! (:

و

أتمنى ممن يقرأ قصتي الهلفوتيه هذه ,, أن لا تصيبه تلك الحالة المسماه غــســغــز لأنها تجعل أخلاق الإنسان مضطمحله !!

فـعـلاً .. اليوووم أنا .. إضطمحليييت !

(((:


 ** ** **

على فكره ,, هذي مو أول مره تتعطل معاي السياره ! وياكثر ما توهقت مع السكاريب (قبل) على أيام الصعلكه ! بس سبب كتابة هذا البوست اللي ماله داعي إهو أني كنت أكتب موضوع بالمدونه عن لجنة الظواهر السلبيه البرلمانيه ! وقعدت عليه ثلاث ساعات وفجأه (طفى) الجهاز فجأه لأنه الشحن خلص ومانتبهت له !...(:

إكفهريت مرة أخرى بعد أن توقف اللابتوب عن العمل ! فأسميت هذا اليوم يوم الطفيه والإكفهرار !

إنـــهـــا مــتــلازمـــة غـسـغــز المتفشيه بين البشر ومن ثم إنتقلت السيارات وبقية الأجهزه !


** ** ** ** ** ** ** ** ** **